नेपालगन्जमा शौचालय बन्यो गोदाम घर, के-का लागी गरियो लगानी ?

नेपालगन्ज : सौचालय किन बनाइन्छ ? साधारण जवाफ भनेको सौच गर्न । तर नेपालगन्जमा भने आधुनिक सौचालय सौच गर्न होईन गोदाम घरको लागि प्रयोग भैरहेको भान हुने दृश्य देख्न सकिन्छ ।


नेपालगन्ज उपमहानगरपालिका–१३, मासुमण्डी छेउमा निर्माण भएको अत्याधुनिक शौचालय गोदाम घरको रुपमा प्रयोग भएको हो । नागरिकहरु शौचालय नपाएर समस्या मा छन । तर नेपालगन्जमा बनेको सौचालय प्रयोग बिहिन हुुँदापनि नेपालगन्जका मेयर डा धवल शम्शेर राणाको मौन छन् । बनेका शौचालय ठेक्कामा दियर तमासा देखाइरहेका छन ।

उपमहानगरले मासुमण्डीका एक मासु ब्यवसायीलाई संचालनका लागि भाडामा दिए पनि ति ब्यवसायीले शौचालयलाई गोदाम घर बनाएका छन् । मासु ब्यवसायले महिला र पुरुष दुवैतर्फको शौचालयमा दिनभर ताला लगाउने गरेका छन् ।

ब्यवसाय गर्नुपर्ने भएकोले शौचालयमा ताला लगाउने गरेको उनले बताए । ‘दिनभर कुरेर बस्न नसकिने भएकोले ताला लगाउन परेको हो,’ ति ब्यापारीले निर्धक्कसँग भने ।

शौचालयमा ताला लागेपछि सर्वसाधारण खुल्ला ठाउँमा शौच गर्न बाध्य भएका छन् । शौच गर्नका लागि बनाइएको शौचालयमा ताला लगाइएपछि खुल्ला ठाउँमा शौच गर्दै आएको मासुमण्डीका एक ब्यापारीले बताए ।

नजिकै शौचालय छ, तर सधैँ बन्द हुन्छ । शौच गर्नका लागि पो शौचालय बनाइएको होला । बन्द गरेर राख्नका लागि त होइन होला,’ ति मासु ब्यापारीले भने । शौचालय भित्र खसी, बोका, मासु काट्ने सामग्री, बोरा, साइकल लगायतका सामान शौचालय ठेक्का लिएका ब्यक्तिले राख्ने गरेका छन् । ‘शौचालयलाई गोदाम घर बनाइएको छ,’ स्थानीय एक ब्यापारीले भने, ‘धेरै रकम खर्च गरेर निर्माण भएको शौचालयको उचित प्रयोग हुन सकेको देखिदैन ।’

प्रतिक्रिया