मदरसा शिक्षा सरकारी विद्यालय सरह गर्न संघको माग

शहबाज खान, कपिलवस्तु :

लामो समय देखि नेपालमा मुस्लिम समुदायहरुले बसोंबास गरेको लामो इतिहास रहेको छ।मुस्लिम समुदायले आफ्नो धर्म, संस्कृति,भाषा र पहिचान जोगाउन लाई शुरु देखि नै गाउं गाउं चन्दा र दान गरेको पैसा बाट मदरसा संचालन गरि बालबालिकालाई उर्दु,अरबी,नेपाली अंग्रेजी लगायतका बिषयहरुमा शिक्षा दिदै आएका छन।

अहिलेको अवस्थामा नेपालका मदरसाहरुमा मास्टर डिग्री सम्माको शिक्षा दिई रहेका छन। तर‌ मदरसा हरुमा पढेका विद्यार्थीहरुको भविष्य अध्यारोमा रहेको भन्दै लुम्बिनी प्रदेश मदरसा बोर्डका पदाधिकारीहरुले ज्ञापन पत्र बुझाएका छन् ।

नेपाल सरकारले मदरसामा पढेका विद्यार्थी हरुको बारेमा अहिले‌सम्मा कुनै पहल‌ पनि गरेको ‌छैन र यदि साउदी र खाड़ी देशहरुले नेपालका मदरसाहरुमा पढेका विद्यार्थीहरु लाई आफ्नो देशमा मान्यता दिएको छ भने नेपाल सरकारले ति देशमा जानको लागि एनओसी दिएको छैन।

विश्वव्यापी महामारीको रुपमा फैलिएको कोभिड १९ (कोरोना भाइरस) ले देशलाई नै अस्त व्यस्त बनाइएको छ, शिक्षा क्षेत्रमा ठूलो प्रभाव परेको छ नेपाल सरकारले कोरोना भाइरस बाट बच्न र बचाउनको लागि शिक्षाक्षेत्रमा दिएको गाईड लाईनको पूर्ण पालना मदरसा हरुले पनि निरन्तर गरि रहेका छन।

नेपाल सरकारले चरण बद्ध रुपमा फॉन्ट लाइनमा खटेर काम गर्ने व्यक्तिहरु लाई कोभिड भ्याक्सिन प्रदान गरेको कार्य ज्यादै प्रसंसानीय छ ।

न्यून आर्थिक अवस्थाले गर्दा पिडामा रहेको मौलाना तथा विद्यार्थीहरु लाई कोभिड१९ को महामारीले झन पिडा थापिएकोछ तसर्थ मदरसामां अध्यापन गराउने विद्यार्थी हरुलाई कोभिड भ्याक्सिन लगाउन अत्यन्त आवश्यक रहेको भन्दै हिजो राष्ट्रीय मदरसा संघ नेपालका राष्ट्रीय अध्यक्ष डाॅ अब्दुल गनी अलकुफी, उपाध्यक्ष शैख जैसे मक्की,लुम्बिनी प्रदेश मदरसा बोर्डका उपाध्यक्ष मौलाना मसहूद खां नेपाली लगायतको टोलीले स्वास्थ्य तथा जनसंख्या मंत्रालयका माननीय मंत्री हृदेश त्रिपाठी संग भेंट गरि भ्याक्सिन उपलब्ध गराउनको लागि मांग गरे र परराष्ट्र मंत्रालयका माननीय मंत्री प्रदीप कुमार ज्ञावाली संग भेंट गरि विद्यार्थी हरु लाई एनओसी उपलब्ध गराउनको लागि मांग गर्दै मांग पत्र समेत बुझाएको कुरा नेपालीले बताएका छन।

भेटघाटको क्रममा शहरी विकास मंत्रालयका माननीय मंत्री प्रभु शाह संग भेट गरि मदरसाको शिक्षा र बिकास बारे पनि कुरा गरेको नेपालीले बताएका छन।

प्रतिक्रिया