नेपालगंज : बाँकेमा कोरोना भाइरसको सङ्ख्या बढ्दै गइरहेको बेलामा कोरोनालाई ( कोभिड १९) लाई जित्नेको सँख्या पनि दिनप्रतिदिन बढ्दै गएको छ ।
आज शुक्रबार मात्रै ६० जना कोरोनालाई जितेर घर फर्कदै छन् । यो संगै बाँकेमा १ हजार १ सय ९२ जनाले कोरोना भाइरसलाई पराष्त गरेका छन् ।
शुक्रबार बाँकेका ६० जना कोरोना संक्रमितलाई डिस्चार्ज गर्न लागिएको स्वास्थ्य कार्यालय बाँकेका कोभिड १९ फोकल पर्सन नरेश श्रेष्ठले बताए । हालसम्म बाँकेमा १ हजार ५ सय ४६ जना कोरोना संक्रमित भएका छन् ।
बाँकेका विभिन्न आईसोलेशनमा राखिएको १४ दिनपछि डब्लुएचओ स्वास्थ्यको मापदण्डअनुसार उनीहरूलाई डिस्चार्ज गर्न लागिएको श्रेष्ठले जनाउनु भएको छ ।
अब विभिन्न आइसोलेसनमा ३ सय ४५ जना उपचारार्थ रहेका छन् भने हालसम्म कोरोनाका कारण बाँके जिल्लामा ९ जनाको मृत्यु भइसकेको छ । हिजो मात्रै नेपालगन्ज उपमहानगरपालिका वडा नम्बर एकका एक जना पुरुषको मृत्यु भएको थियो ।
हेर्नुहोस् लिष्ट
