नेपालगंज : आज बाँकेमा नेपालगन्ज उपमहानगरपालिका वडा नं ८ का एकै घरका ६ जना सहित ३८ जनामा थप कोरोना पुष्टि भएको छ। जिल्ला जनस्वास्थ्य कार्यालय बाँकेका कोभिड १९ फोकल पर्सन नरेशबाबु श्रेष्ठले दिएको जानकारी अनुसार आज भेरी अस्पतालको प्रयोगशालामा गरिएको परिक्षणमा २१ जनामा , नेपालगन्ज मेडिकल कलेज शिक्षण अस्पताल कोहलपुरको प्रयोगशालामा १२ जनामा र बागेश्वरी डाइग्नोष्टिक सेण्टरमा गरिएको परीक्षणमा ५ जना गरेर ३८ जनामा कोरोना पुष्टि भएको हो ।
आज देखिएका १८ महिला र २० पुरुष गरेर ३८ सहित बाँकेमा कोरोना संक्रमणको सङ्ख्या राति ७:०० बजेको अपडेट अनुसार २ हजार ८ सय ४१ जना पुगेको छ भन कोरोनाबाट मृत्यु हुनेको संख्या बाँके जिल्लाका २९ जना र बाहिरी जिल्लाका बाँकेमा उपचार गराउदा गराउदै मृत्यु हुनेको सङ्ख्या १४ रहेको छ ।
एकतातिर बाँकेमा दिन प्रतिदिन कोरोना संक्रमणको सङ्ख्या बढिरहेको छ भने कोरोना भाइरस (कोभिड १९) लाई जितेर घर फर्कनेको संख्या पनि उत्तिकै छ । आज ५२ जना घर फर्किए संगै आज सम्म बाँकेमा कोरोना जितेर घर फर्कनेको संख्या २ हजार २ सय २७ जना रहेका छन् भने ५ सय ८५ जना जिल्लाको विभिन्न आइसोलेसना सेन्टरहरुमा उपचारार्थ रहेका छन् ।
