जिल्ला प्रहरी कार्यालय बाँकेका कार्यालय प्रमुख एसपी ओम बहादुर रानाको निर्देशन अनुसार ईलाका प्रहरी कार्यालय कोहलपुर बाँकेले बेसाहरा मानवरहित सडक अभियानलाई सार्थक बनाउन अभियान थालेको छ |
रानाको निर्देशन अनुसार ईलाका प्रहरी कार्यालय कोहलपुर बाँकेले वडा एरिया अन्तरगत सडकमा बेसाहरा अवस्थामा रहेका मानिसहरुको व्यबस्थापन तथा उद्धार गर्ने कार्यलाई प्राथमिकतामा राखी काम कारवाही गरि रहेको बाँके प्रहरीले जनाएको छ ।
ईलाका प्रहरी कार्यालय कोहलपुर बाँकेले मंगलबार बिहान राप्तिसोनारी गाऊपालिका वडा नं. ८ शम्शेरगंजबाट अन्दाजी १६-१७ बर्षकी एक किशोरी र राप्तिसोनारी गा.पा. २ अगैयाबाट २२-२३ बर्षका एक पुरुष व्यक्तिको उद्धार गरेको छ |
बाँके प्रहरी मानव रहित सडक अभियानमा क्रियाशिल भई कार्य गरिरहेको तथा निजहरुलाई संस्थाको जिम्मा लगाउन तर्फ आवश्यक प्रबन्ध भइरहेको एसपी रानाले बताएका छन् |
