नेपालगन्ज : बाँकेको खजुरा गाउँपालिकाले ८३ करोड ३९ लाख ५३ हजारको बजेट ल्याएको छ ।
आव २०८०/८१ को बजेट संगै खजुराबासीमा बसपार्क बन्ने पक्का भएको छ, बजेटमा खजुरामा निर्माण हुने बसपार्कको लागी बजेट बिनियोजन गरिएको छ ।
खजुरा गाउँपालिकाले खजुरामा बसपार्क निर्माणको लागी १ करोड रुपैयाँ बजेट बिनियोजन गरेको छ ।
आइतबार पालिका उपाध्यक्ष मन्जु मल्लले बजेट प्रस्तुत गर्दै भवन आवास र शहरीकरण बिकास गर्न बिशेषगरेर पालिका भित्र बसपार्क निर्माण गर्न १ करोड बिनियोजन गरिएको बताइन् ।
पालिकाले आइतबार आगामी आर्थिक वर्ष २०८०/०८१ का लागि ८३ करोड ३९ लाख ५३ हजार ६ सय ५८ रुपैयाँको आयव्ययको अनुमानित विवरणसहितको बजेट प्रस्तुत गरेको छ ।
