नेपालगन्ज : एमजीले आफ्नो सफल एसयूभीको मूल्यमा भारी कटौती गरेको छ । नेपालगञ्जका लागी एमजीको आधिकारीक बिक्रेता किसान ट्रेडिङ कन्सर्नका मार्केटिङ मेनेजर संयोग जंग शाहले दिएको जानकारी अनुसार जेडएस ईभीको मूल्य ५२ लाख ९९ हजारबाट ४६ लाख ९९ हजार बनाएको हो ।
एकै पटक ६ लाख रुपैयाँले मूल्य घटाएको कम्पनीले यसलाई स्पेशल अफर भनेको छ । उक्त अफर सिमित अवधिको लागि मात्रै लागु हुने कम्पनीको भनाइ छ ।
‘सेलीब्रेसन अफ दी सेन्चुरी’ नारा दिएर कम्पनीले नाडा अटो शो र दशैं तिहारको लागि यो अफर गरेको जनाएको छ । एमजीले विश्वभर आफ्नो १०० पुरा गरेको अवसरमा विभिन्न स्कीम चलाउँदै आएको छ ।
एमजी जेडएस ईभी नेपालमा सर्वाधिक सफल मध्येको एक मोडल हो । यसमा ५१ किलोवाट आवरको ब्याट्री छ भने ९९ किलोवाट आवरको इलेक्ट्रीक मोटर छ ।
