नेपालगन्ज : समाजसेवामा अग्रसर रहेका नेपालगन्ज निवासी राजा खान बिइङ ह्युमनद्वारा नेपालगन्जको एक्लैनीस्थित फुलवारी मस्जिद मरकजमा निःशुल्क शव चिस्यान (D-Fridge) सेवा उपलब्ध गराएका छन् ।
विदेश वा देशका अन्य भागमा रहेका आफन्तहरू घर फर्कन समय लाग्ने अवस्थामा चारदेखि पाँच दिनसम्म शवलाई सुरक्षित राख्ने व्यवस्था होस भन्ने हेतुले राजा खान बिइङ ह्युमनद्वारा शव चिस्यान उपलब्ध गराइएको हो ।
यो सेवा विशेष गरी ती परिवारहरूका लागि लाभदायक हुनेछ, जसका आफन्त टाढा रहेका कारण अन्तिम संस्कारको लागि तुरुन्त उपस्थित हुन सक्दैनन्।
राजा खान बिइङ ह्युमनले यसअघि पनि नेपालगन्जको जामा मस्जिदमा निःशुल्क शव चिस्यान सेवा सुरु गरिसकेको छ, जसले धेरै परिवारलाई राहत प्रदान गरेको थियो।
राजा खान बिइङ ह्युमनका अनुसार नेपालगन्ज र वरपरका क्षेत्रमा आवश्यक परेमा यो सेवा निःशुल्क रूपमा उपलब्ध गराइनेछ। समाजसेवाका यस्ता कार्यहरूले समुदायमा मानवता र सद्भावको प्रवर्द्धन गर्ने विश्वास गरिएको छ।
यस सामाजिक सेवाले धेरै परिवारलाई कठिन घडीमा सहजता दिनेछ, जसका लागि राजा खान बिइङ ह्युमनको योगदान अत्यन्त सराहनीय मानिएको छ ।
