नेपालगन्ज : नेपालगन्ज वडा नम्बर १० कार्यालयको अगाडी आइतबार करिब १०:३० को समयमा सयको हाराहारीमा विद्यार्थी तथा घर भाडामा बस्ने बासिन्दाहरु बसिरहेको दृश्य थियो ।
उनीहरु राहतको आशामा वडा नम्बर १० को अगाडी बसे पनि वडा कार्यालयमा नत राहत बाड्ने सुरसार थियो नत वडा अध्यक्ष नै थिए । दुई तीन दिन देखी भोलि भोलिको आश्वासन मात्रै पाएको गुनासो गर्ने उनीहरु राहतकै लागि दिन दिनै आउँनु परेको र अन्तमा बिना राहत घर फर्कनु परेको बताउछन ।
वडाका बासिन्दाले राहत पाई सकेको अवस्थामा आफुहरुले राहत नपाएको र कोठा भाडामा लिएर बसेका उनीहरुको खाने अन्नको अभाव भए पछि दिन दिनै राहतको लागि वडा कार्यालय धाउनुको बिकल्प नरहेको बताए ।
बास्तवमै राहत पाउनु पर्ने हामिले हो, न हाम्रो घर छ नत हामी संग पैसा नै बरु हामिलाई घर सम्म जाने वातावरण मिलादिएको भए राम्रो हुन्थ्यो, त्यो पनि छैन र राहतमा पनि हामिलाई नै उपेक्षा गरिएको छ, उनिहरुले बताए ।
नेपालगंज १० का वडा अध्यक्ष बिन्दु भूषण बस्नेत लाई सम्पर्क गर्दा अध्यक्ष बस्नेतले उपमहानगरपालिकाले दिएको आश्वासन अनुसार हामिले आइतबार राहत दिन्छौ भने पनि उपमहानगरपालिकाले राहतको ब्यवस्थापन नगर्दा दिन नसकेको र त्यसैका लागी आफू उपमहानगरपालिकामा पुगेको बताएका छन् ।
उता उपमहानगरपालिकाका उपमेयर उमा थापा मगरले उप महानगर पालिका बाट उपलब्ध गराईएकाे फारम भरे राहत उपलब्ध गराईने बताए । फारम भर्नुस् राहत उपलब्ध गराउने जिम्मा मेरो भयो उप मेयर थापामगरले बताइन ।
