काठमाण्डौं :
सन नेपाल लाईफ इन्स्योरेन्स कम्पनी लिमिटेडले बाल बीमा बाहेक अन्य जीवन बीमा योजना अन्तर्गत किरीया खर्च सुविधा दिने पहिलो कम्पनी भएको छ ।
उक्त कम्पनीको पुरक करार अन्तर्गतका योजनाहरुमा सन लाईफ सावधिक, नवीन आजिवन , सार्थक आजिवन , भाग्योदय जीवन बीमा, धन लक्ष्मी अग्रिम भुक्तानी सावधिक, धनञ्जय वार्षिक अग्रिम भुक्तानी सावधिक लगायतका योजनाहरुमा कम्पनीले कुनै बिमितको मृत्यु भएमा किरीया खर्च बापत कम्तीमा पनि बिमाङ्कको २५ प्रतिशत र बढीमा रु ५००००/- पचास हजार सम्म उपलब्ध गराउने नेपालगन्ज शाखा प्रबन्धक कमल शाहीले बताउनुभयो ।
उक्त सुविधा सार्वजनिक गरे संगै कम्पनीले पहिले देखि नै उपलब्ध गराउदै आएको दुर्घटना मृत्यु सुविधा (ADB), स्थायी पूर्ण असक्तता (PTD) र बीमा शुल्क छुट सुविधा (PWB) रु ३० लाखबाट बढाएर रु ५० लाख पुर्याएको प्रबन्धक शाहीले बताउनुभयो ।
साथै कम्पनीले सार्वजनिक गरेको नयाँ योजना अन्तर्गत स्वर्णिम धनफिर्ता म्यादी जीवन बीमा योजना जसमा न्युनतम १० वर्ष अवधि , न्युनतम १० लाख बिमाङ्क र सो भन्दा माथि बीमा गर्नै पर्ने र उक्त अवधिमा कम्पनीमा जम्मा भएको किस्ता रकम बीमा समाप्तिमा एकमुष्ट फिर्ता गरिने कम्पनीले जनाएको छ , यो प्रक्रिया बीमा क्षेत्रमा नौलो भएको प्रबन्धक शाहीले बताउनुभयो ।
