डुडुवाद्धारा विद्यालयलाई स्वास्थ्य सुरक्षा सामाग्री वितरण


डुडुवा : कोरोना महामारीको संक्रमणको दर तिब्र रुपमा बढेपछि स्थानीय तहहरुले पनि जोखिम न्युनीकरणका लागि आवश्यक तयारी थालेका छन ।

शिक्षक र विद्यार्थीहरुमा कोरोना संक्रमण पुष्टी भएपछि डुडुवा गाउँपालिकाले उच्च सर्तकर्ता अपनाएको छ । गाउँपालिकाले बढी संक्रमण देखिएको डलैपुर मावि र आधारभुत विद्यालय अम्रहवा बन्द गरेको छ । भने अन्य विद्यालयहरुमा स्वस्थ्य सुरक्षा अपनाएर संचालन गरिएको छ ।

गाउँपालिका अन्र्तगतका सम्पूर्ण विद्यालयहरुमा आज आइतबारदेखि स्वस्थ्य सुरक्षा सामाग्री वितरण गर्न शुरु गरिएको छ । विद्यालयका विद्यार्थी र शिक्षकहरुलाई मास्क, हात धुने साबुन र डिर्टजेन्ट पाउडर, ज्वरो नाप्ने थर्मलगन, सेनेटरी प्याड लगायतका सामाग्री वितरण गर्न थालिएको गाउँपालिका अध्यक्ष नरेन्दकुमार चौधरीले बताउनुभयो । उहाँका अनुसार अहिले विद्यार्थी र शिक्षकलाई कोरोना संक्रमणको जोखिमबाट बचाउन स्वास्थ्य सुरक्षा सामाग्री उपलब्ध गराई सावधानी अपनाइएको छ ।

डुडुवामा १६ वटा सामुदायिक विद्यालय, १४ वटा मदरसा, ७२ वटा बालविकास केन्द्र र १ वटा गुरुकुल रहेको शिक्षा शाखाले जनाएको छ । ती सबै विद्यालयहरुमा जोखिम न्युनीकरण गर्नका लागि स्वास्थ्य सामाग्री वितरण गरिनेछ । गाउँपालिकाले कोरोना संक्रमणको जोखिम न्युनीकरण र संक्रमित विरामीको उपचारका लागि कोभिड वार्डको व्यवस्थापन गरिरहेको छ ।

प्रतिक्रिया