नेपालगन्ज :
स्वदेशी शिक्षा सबैको इच्छा नेपालमै अध्यन गर्नुपर्छ भन्ने मुल उदेश्य बोकेर भोलि देखि नेपालगन्जमा संचालन हुन लागेको शैक्षिक मेलामा नेपालगन्जको कलेज अफ इन्जिनियरिङ एण्ड म्यानेजमेन्ट समेत जोडिएको छ ।
पोखरा बिश्वबिद्धालयबाट सम्बन्धन लिएर संचालन भएको कलेज अफ इन्जिनियरिङ एण्ड म्यानेजमेन्ट नेपालगन्जकै पहिलो इन्जिनियरिङ कलेज हो जहाँ बिई सिभिल र बिई आइटिको पढाइ हुने गर्दछ ।
कलेज अफ इन्जिनियरिङ एण्ड म्यानेजमेन्ट नेपालगन्जमा मात्रै नभएर राजधानी बाहिर बिई आइटिको अध्यन हुने पहिलो कलेज समेत हो ।
मेलामा आफ्नो कलेज जोडिन पाउँदा खुसी ब्यक्त गर्दै कलेजका डाइरेक्टर बेदराज डिसिले यस्ता शैक्षिक मेलाको आवश्यकता रहेको र यस्ता मेलाले नेपालगन्जको शैक्षिक अवस्थालाई सुधार गर्न महत्त्वपूर्ण भुमिका खेल्ने समेत बताएका छन् ।
स्टडि इन नेपाल शैक्षिक मेलाको प्रदेश पाँच संयोजक भरत बिष्टले मेलाको तयारी सकिएको र मेलाले नेपालमै अध्यन गर्नुपर्छ भन्ने संदेश दिनेमा बिश्वास लिएको बताएका छन् ।
