नेपालगन्ज :
बिमा समितिले आइतवार नेपालगन्जमा स्थानीय तहसँग वीमा समिति बिषयक अन्तरक्रिया कार्यक्रमको आयोजना गरी केहि बर्षदेखि समितिले आफ्नो पहुँच ग्रामीण क्षेत्रमा पुर्याउन स्थानीय तहसँग समन्वय र सहकार्य गर्दै आएको समेत जनाएको छ ।
वीमा समितिले स्थानीय तहसँग वीमाको पहुच पुर्याउन आफ्नो क्रियाशीलता बढाएको स्पष्ट पारेको छ ।
वीमा प्रचार प्रसार कार्यलाई ग्रामीण क्षेत्रसम्म पुर्याउन समितिले विगत एक बर्षदेखि स्थानीय तहका निर्वाचित पदाधिकारीहरुसँग अन्तरक्रिया कार्यक्रम गर्दै आएको वीमा समितिका अध्यक्ष चिरञ्जीवी चापागाईले जानकारी दिनुभयो ।
त्यसैगरी समितिले विभिन्न स्थानका सामुदायिक विद्यालयहरुमा पुगेर विद्यार्थीहरुसँग वीमा समितिले कार्यक्रम समेत गर्दै आएको अध्यक्ष चापागाईले जानकारी बताउनुभयो ।
आगामी दिनमा वीमा शिक्षालाई विद्यालय र विश्वविद्यालय तहमा समावेश गर्ने कार्यलाई प्राथमिकता दिईएको उहाँको भनाइ छ । कार्यक्रममा नेपालका १९ प्रतिशत मानिसहरु वीमाको पहुँचमा रहेको जानकारी गराउनुभएको थियो ।
जोखिम रक्षा गर्नका लागि वीमा गर्ने व्यक्ति र संख्या बढ्दै गएको पौडेलको भनाइ छ । देशको कुल ग्राहयस्थ उत्पादनमा वीमाले ३ प्रतिशत योगदान दिएको पनि समितिको दावी छ ।
उक्त अन्तरक्रियामा वीमाको दायरा बृद्धि गर्ने उपाय, जीवन वीमा, कृषि वीमा, सम्पति तथा घर वीमाबारे जानकारी दिइएको थियो । कार्यक्रममा नेपालगन्ज उपमहानगरपालिकाका मेयर धवलशम्शेर राणा, उपमेयर उमा थापामगर, वीमा विज्ञ भोजराज शर्मालगायतले वीमाको महत्व र आवश्यकताबारे जानकारी गराउनुभएको थियो ।
